बनेपा :- १८औं गणतन्त्र दिवसको अवसरमा नेपाल कम्युनिष्ट पार्टी (माओवादी केन्द्र) बनेपा नगर पालिका -२ न. वडा समितिद्वारा गणतन्त्र प्राप्तिको निम्ति महान् जनयुद्ध र ऐतिहासिक जन आन्दोलनको क्रममा बनेपा नगर पालिका-२ न.वडाबाट सैनिक हिरासत र जेल हिरासतमा परेका ४९ जना गणतान्त्रिक योद्धाहरुलाई सम्मान गरेको हो । उक्त कार्यक्रममा नेपाल कम्युनिष्ट पार्टी (माओवादी केन्द्र) केन्द्रीय सदस्य तथा प्रतिनिधि सभा सदस्य माननीय मीना तामाङ र बागमती प्रदेश सदस्य सचिवालय सदस्य एवं काभ्रे जिल्लाको सचिव दैवलाल घिसिङ(अनुशील)ले खादा र सम्मान पत्र प्रदान गर्नु भएर गणतान्त्रिका योद्धाहरुलाई सम्मान गर्नुभएको थियो।
कार्यक्रमको प्रमुख अतिथि माननीय मीना तामाङले आजको संघीय लोकतान्त्रिक गणतन्त्र महान् सहिदहरु, गणतान्त्रिक योद्धाहरु र आम जनताको त्याग, तपश्या,बलिदान र समर्पणबाट प्राप्त भएको बताउनु भयो । गणतन्त्रको रक्षा सुदृढ गर्न र समृद्धिको गणतन्त्रवादीहरु एकताबद्ध भएर अघि बढ्न जोड दिनु भयो। कार्यक्रमको विशेष अतिथि जिल्ला सचिवले दैवलाल घिसिङले संघीय लोकतान्त्रिक गणतन्त्रलाई सुदृढ गर्न राजनीतिक स्थायित्व कामय गरि समृद्धि हासिल वर्तमान निर्वाचन प्रणाली फेरेर पूर्ण समानुपातिक प्रणाली लागू गर्नु पर्ने र वर्तमान शासकीय स्वरुपलाई परिवर्तन गरेर प्रत्येक्ष निर्वाचित कार्यकारी राष्ट्रपति प्रणाली जानुपर्छ पर्ने बताउनु भयो ।
अतिथि प्रदेश समिति सदस्य तथा २ न. प्रदेश सभा ख का इञ्चार्ज गोपाल घिमिरेले गणतन्त्र महान् जनयुद्धको जगमा प्राप्त भएको कारण गणतन्त्रको संरक्षक माओवादी नै भयो बताउनु भयो र अतिथि प्रदेश समिति सदस्य तथा बनेपा नगर समितिको इञ्चार्ज नारायण बानियाँले गणतन्त्रको लागि भनेको खतरा दलाल भ्रष्टहरु नै भएको यसको समाधान भनेको सुशासन र शासकीय सुधार आवश्यकता रहेको औंल्याउँनु भयो । कार्यक्रममा बनेपा समितिको अध्यक्ष सीताराम दाहाल अविरलले शुभकामना मन्तव्य दिनुभएको थियो ।
नेकपा समाजवादी र रास्वपाको प्रतिनिधिले पनि शुभकामना मन्तव्य दिनुभएको थियो। सम्मान ग्रहण गर्नुहुने विष्णु प्रदास घिमिरेले पनि अनुभूति मन्तव्य राख्नु भएको थियो । कार्यक्रमको अध्यक्षता वडा समितिको अध्यक्ष छविलाल दाहालले र सञ्चालन कमल घिमिरेले गर्नुभएको थियो ।
तपाईको प्रतिक्रिया
सम्बन्धित खवर
