काठमाडौँ :- धादिङ जिल्लाको गजुरी गाँउपालिका,वडा नं.३ महेन्द्रोदय माविमा अध्ययनरत २९३ जना विद्यार्थीहरुलाई स्कूल ब्याग,स्टेस्नरी र प्राथमिक उपचारका सामाग्रीहरु वितरण गरिएको छ । लायन्स क्लब अफ काठमाडौं स्प्रिचुयलको संयोजनमा अधिकांश चेपाङहरुको छोराछोरी अध्ययन गर्ने बालकक्षा देखि १२ कक्षा सम्मका छात्रछात्राहरुलाई सो सहयोग उपलब्ध गराईएको लायन्स क्लब अफ काठमाडौं स्प्रिचुयलका सचिव नबराज काफ्लेले उल्लेख गरेका छन् ।
लायन्स डिस्ट्रीक ३२५ जि अन्तर्गत क्लष्टर ६ का क्लबहरुको विशेष सहयोगमा जुटाईएको सामाग्रीहरु वितरण गर्दै डिष्ट्रीक फस्ट भाईस प्रेसिडेन्ट कमल बहादुर कायस्थ,जोन चेयर पर्सन अर्जुन रखाल मगरले लायन्सको उद्धेश्य,यसका गतिविधि र यस संस्थाको आगामी योजनाको बारेमा प्रकाश पार्दै यस अवसरको लागि विद्यालय परिवारलाई धन्यवाद समेत प्रकट गर्नुभएको थियो ।
सहयोग वितरण कार्यक्रममा गजुरी गाँउपालिका वडा नं.३ का अध्यक्ष,विद्यालय प्रधानध्यापक, डिष्ट्रीक ग्लोबल सर्भिस टिम कोर्डिनेटर रिता दहाल,क्लष्टर ६ का संयोजक प्रकाश अधिकारी,लायन्स क्लब अफ काठमाडौ स्प्रिचुयलका अध्यक्ष नारायण प्रसाद अधिकारी,विभिन्न लायन्स क्लबका पदाधिकारी सदस्यहरु लगायत स्थानीय समाजसेवीहरुको विशेष उपस्थिति रहेको थियो ।
योग ध्यानको प्रयोगात्मक प्रशिक्षण सहित सम्पन्न गरिएको सो कार्यक्रममा विद्यालयबाट सहयोगी संस्थाहरुलाई सम्मान समेत गरिएको थियो ।
काठमाडौ देखि ७० किमिको दुरीमा रहेको सो विद्यालयमा स्थानीय समाजसेवी तथा स्प्रिचुयल क्लबका सदस्य टेकलाल श्रेष्ठको विशेष समन्वयमा सो सहयोग वितरण कार्यक्रम जोडिएको थियो ।
तपाईको प्रतिक्रिया
सम्बन्धित खवर
