काठमाडौँ :- नेपाल विद्युत् प्राधिकरणले तिहार तथा छठ पर्वलाई लक्षित गर्दै भरपर्दो, नियमित र गुणस्तरीय विद्युत् आपूर्तिका लागि विशेष तयारी गरेको छ।
प्राधिकरणले लक्ष्मीपूजाको दिन साँझ विद्युत्को अधिकतम माग करिब १ हजार ७०० मेगावाट पुग्ने अनुमान गरेको छ भने सोही समयमा आन्तरिक उत्पादन करिब २ हजार ५०० मेगावाट हुने प्रक्षेपण गरेको छ।
कार्यकारी निर्देशक दीर्घायुकुमार श्रेष्ठले आन्तरिक उत्पादनबाटै आवश्यक विद्युत् पर्याप्त हुने बताएका छन्। उनले पर्व अवधिभर विद्युत् आपूर्तिमा अवरोध हुन नदिन सम्बन्धित कार्यालय प्रमुखहरूलाई आवश्यक तयारी गर्न निर्देशन दिएका छन्।
विद्युत् समस्या देखिए तत्काल मर्मतसम्भार गर्न प्राविधिक टोली तयारी अवस्थामा राख्न तथा प्रसारण लाइन र वितरण प्रणालीको निरीक्षण एवं मर्मतसम्भार समयमै सम्पन्न गर्नसमेत निर्देशन दिइएको छ।
तपाईको प्रतिक्रिया
सम्बन्धित खवर
