काठमाडौं :- लायन्स क्लब अफ काठमाडौं लर्ड बुद्ध र लायन्स क्लब अफ काठमाडौं गृहलक्ष्मीको संयुक्त आयोजनामा इन्स्टलेसन तथा इन्डक्सन कार्यक्रम भव्य र गरिमामय रूपमा सम्पन्न भएको छ।
कार्यक्रममा विभिन्न लायन्स क्लबका पदाधिकारी, सिनियर लायन लिडर, क्लब अध्यक्ष, रिजन तथा जोन चेयरपर्सन, क्याबिनेट पदाधिकारी एवं लायन सदस्यहरूको उल्लेख्य सहभागिता रहेको थियो।
कार्यक्रमको सभापति प्रथम अध्यक्ष लायन सुना सुवेदी, दोस्रो अध्यक्ष लायन सुरेश भण्डारी तथा अध्यक्षद्वय लायन टीकाराम र लायन लक्ष्मणले गर्नुभएको थियो।
कार्यक्रममा प्रमुख अतिथिका रूपमा इन्टरनेश्नल डाइरेक्टर लायन राजन लम्साल तथा फर्स्ट लेडी पीडीजी लायन इन्दु लम्सालको उपस्थिति रहेको थियो। त्यस्तै, इन्स्टलेसन अफिसर एवं डिस्ट्रिक्ट गभर्नर लायन सूर्यकुमार केसी तथा स्पाउस सङ्गीता केसीको समेत सहभागिता रहेको थियो।
कार्यक्रममा पास्ट मल्टिपल काउन्सिल चेयरपर्सन एवं म्यागजिन चिफ लायन मनबहादुर रोका, पास्ट डिस्ट्रिक्ट गभर्नर लायन पार्वती खरेल पाण्डे, फर्स्ट भाइस डिस्ट्रिक्ट गभर्नर लायन शैलेन्द्र भट्टराई, सेकेन्ड भाइस डिस्ट्रिक्ट गभर्नर बिष्णु प्रसाद भन्डारी क्याबिनेट सचिव लायन अनुजकुमार श्रेष्ठ, चिफ एडभाइजर लायन ऋषि गिरी तथा पीआरओ इन चिफ लायन महेश पाण्डेलगायतको उपस्थिति रहेको थियो।
यसैगरी, नवनिर्वाचित संविधानसभा सदस्य तथा लायन्स क्लब अफ काठमाडौं लर्ड बुद्धका पूर्वअध्यक्ष लायन बदनकुमार भण्डारीलाई कार्यक्रममा बधाई तथा सम्मान व्यक्त गरिएको थियो। उहाँको उपस्थिति, आत्मीय साथ र मार्गदर्शनले कार्यक्रमलाई थप महत्वपूर्ण बनाएको आयोजकले जनाएको छ।
कार्यक्रममा सिनियर लायन लिडरहरू महेन्द्र राठी, जनार्दन फुयाल, शिवराम गौतम, बिना थापा, बिन्दु घिमिरे, रामहरि सिलवाल, दीपकबाबु थापा र नारायण रेग्मी भोला थापा, लगायत विभिन्न अग्रज लायनहरूको समेत सहभागिता रहेको थियो।
आफ्नो रिजनअन्तर्गत कार्यक्रम भव्य रूपमा सम्पन्न गराउन रिजन १३ अन्तर्गत रिजन मेन्टर राम प्रसाद ढकाल तथा रिजन चेयरपर्सन लायन रूपबहादुर रावललाई बधाई तथा शुभकामना व्यक्त गरिएको थियो। काभ्रेदेखि नुवाकोटसम्मका विभिन्न स्थानबाट कार्यक्रममा सहभागी हुन आएका क्लब अध्यक्ष, रिजन तथा जोन चेयरपर्सन, क्याबिनेट पदाधिकारी एवं लायन सदस्यहरूप्रति आयोजकले आभार व्यक्त गरेको छ।
कार्यक्रम सफल बनाउन दुवै क्लबका सदस्यहरूले महत्वपूर्ण भूमिका निर्वाह गरेका थिए। कार्यक्रम संयोजक पूर्व क्याबिनेट सचिव लायन रामबहादुर श्रेष्ठ तथा आर्थिक संयोजक डा. केपी पौडेललाई समेत आयोजकले विशेष धन्यवाद दिएको छ।
त्यस्तै, कार्यक्रम व्यवस्थापनमा सक्रिय भूमिका निर्वाह गरेको लियो क्लब अफ काठमाडौं लर्ड बुद्धकी संस्थापक अध्यक्ष लियो सबिना भण्डारी तथा उहाँको सम्पूर्ण टिमलाई समेत आयोजकले धन्यवाद व्यक्त गरेको छ।
कार्यक्रमका अवसरमा चीन भ्रमणमा जान लाग्नुभएका हरि अधिकारी तथा जर्मनी जान लाग्नुभएकी लक्ष्मी कट्टेललाई सुखद, सुरक्षित तथा सफल यात्राको शुभकामना समेत व्यक्त गरिएको थियो।
कार्यक्रमले लायन्स क्लबहरूबीचको आपसी सम्बन्ध, सहकार्य र सामाजिक सेवाको भावनालाई थप मजबुत बनाएको आयोजकको भनाइ छ। कार्यक्रम सफल बनाउन सहयोग गर्ने सम्पूर्ण अतिथि, पदाधिकारी, सदस्य तथा शुभेच्छुकप्रति आयोजकले हार्दिक आभार व्यक्त गरेको छ।
तपाईको प्रतिक्रिया
