काठमाडौँ :- पूर्वराजा ज्ञानेन्द्र शाहले देश सधैँ विकल्पको खोजी र प्रयोगमा अल्झिँदा प्रयोगशाला जस्तो बनेको टिप्पणी गरेका छन्।
नयाँ वर्ष २०८३ को पूर्वसन्ध्यामा जारी भिडियो सन्देशमा उनले राजनीति र राज्य सञ्चालनमा युवापिँढीको बढ्दो सहभागितालाई सकारात्मक बताए पनि मुलुक निरन्तर प्रयोग र अभ्यासमै सीमित भएको भन्दै असन्तुष्टि व्यक्त गरेका हुन्।
शाहले विगततर्फ संकेत गर्दै देश स्थिरता, निरन्तरता र दृढताबाट टाढिँदै गएको उल्लेख गरेका छन्। विधि, पद्धति र व्यक्ति परिवर्तनले मात्र समग्र अवस्था सुधारिँदैन भन्ने पाठ विगतले सिकाएको उनको भनाइ छ।
साथै, उनले शिक्षित, देश बुझेका र आधुनिक प्रविधिमा दक्ष युवाको आगमनले राष्ट्रलाई सही दिशामा अघि बढाउन सहयोग पुग्ने विश्वास व्यक्त गरेका छन्। राजनीतिक प्रणालीमा धेरै परिवर्तन भए पनि व्यवहारमा उल्लेखनीय सुधार नआएको उनको धारणा छ।
तपाईको प्रतिक्रिया
सम्बन्धित खवर
