काठमाडौँ :- उपराष्ट्रपति रामसहायप्रसाद यादवले स्वास्थ्य अनुसन्धानलाई केवल शैक्षिक अभ्यासका रूपमा नभई राष्ट्रिय दायित्वका रूपमा स्वीकार गर्नुपर्ने बताएका छन्।
आज आयोजित ‘नेपालमा स्वास्थ्य तथा जनसङ्ख्या वैज्ञानिकहरूको १२औँ राष्ट्रिय शिखर सम्मेलन’ उद्घाटन समारोहमा उहाँले प्रमाणमा आधारित नीति निर्माणलाई सुदृढ बनाउन सबै पक्षबीच सहकार्य आवश्यक रहेको उल्लेख गर्नुभयो।
उहाँका अनुसार स्वास्थ्य अनुसन्धानले रोगका कारण, उपचारका विकल्प तथा जनसङ्ख्या–स्वास्थ्य प्रवृत्तिबारे दीर्घकालीन दृष्टिकोण प्रदान गर्दछ।
नसर्ने रोगको बढ्दो बोझ, जलवायु परिवर्तनका असर तथा सामाजिक–आर्थिक असमानता जस्ता चुनौती समाधानका लागि अनुसन्धानलाई प्राथमिकतामा राख्नुपर्नेमा उहाँले जोड दिनुभयो।
उपराष्ट्रपति यादवले परम्परागत उपचार पद्धति र आधुनिक वैज्ञानिक अनुसन्धानबीच सहकार्य आवश्यक रहेको उल्लेख गर्दै अनुसन्धानका निष्कर्षलाई नीति र कार्यान्वयनमा प्रयोग गर्नुपर्ने बताउनुभयो।
तपाईको प्रतिक्रिया
सम्बन्धित खवर
