नेप्से ६४.६९ अङ्कले उकालो, परिसूचक २८७७.०३ बिन्दुमा

आज २४० कम्पनीको शेयर मूल्य बढ्दा २२ कम्पनीको घटेको छ भने दुई कम्पनीको मूल्य स्थिर रहेको छ। कुल ३४२ कम्पनीका पाँच करोड ६९ लाख २० हजार ६०८ कित्ता शेयर एक लाख ९१ हजार २५१ पटक खरिदबिक्री हुँदा रु २१ अर्ब २२ करोडभन्दा बढीको कारोबार भएको नेप्सेले जनाएको छ।

अघिल्लो दिनको तुलनामा कारोबार रकममा पनि उल्लेख्य वृद्धि भएको छ। मङ्गलबार रु १२ अर्बभन्दा बढीको कारोबार भएकोमा आज त्यो बढेर रु २१ अर्ब नाघेको हो।

आज सबै समूहका सूचक सकारात्मक देखिएका छन्। विकास बैंक समूह सबैभन्दा बढी तीन दशमलव ९५ प्रतिशतले बढेको छ। त्यस्तै बैंकिङ ३.१६, फाइनान्स १.९४, होटल तथा पर्यटन १.७५, हाइड्रोपावर २.३०, लगानी १.७७, जीवन बिमा २.७६, उत्पादन तथा प्रशोधन १.८९, माइक्रोफाइनान्स १.२४, निर्जीवन बिमा १.८०, अन्य १.९७ र व्यापार समूह ०.१४ प्रतिशतले वृद्धि भएका छन्।

आज कर्पोरेट डेभलपमेन्ट बैंक, साल्पा विकास बैंक र रिलायन्स स्पिनिङ मिल्स लिमिटेडको शेयर मूल्यमा सकारात्मक सर्किट लागेको छ। यता नेपाल लाइफ समृद्धि लगानी योजनाको शेयर मूल्य सबैभन्दा बढी पाँच दशमलव १२ प्रतिशतले घटेको छ।

नेप्से ६४.६९ अङ्कले उकालो, परिसूचक २८७७.०३ बिन्दुमा

तपाईको प्रतिक्रिया

सम्बन्धित खवर

ताजा समाचार

लोकप्रिय

बागमती मिडिया हाउस द्वारा संचालित

हाम्रो टीम

हाम्रो बारेमा