घटना यसरी सुरु भएको देखिन्छ ।
२०७९ साल भदौ २ गते बिहान धनबहादुर ६ वर्षीय छोरा तिर्थक विक्रम शाहीलाई लिएर प्रतिष्ठानको इमरजेन्सी कक्षमा उपचारका लागि जान्छन । धनबहादुरका छोरा तिर्थक स्कुलको पोशाक लगाएकै अबस्थामा देखिन्छन ।
त्योभन्दा अगाडि डाक्टर करण मोबाइलको फोनमा व्यस्त देखिन्छन्। उनी हाँसीखुसी फोन गर्दै इमरजेन्सीका अन्य कर्मचारीसँग बोलिरहेको र कुनै उपचारमा व्यस्त नभएको र इमरजेन्सी वाड पनि खाली भएको भिडियो स्पष्ट देखिन्छ। इमरजेन्सी कक्षमा विरामी देखिँदैनन्।
प्रतिष्ठानबाट उपलब्ध भएको सिसी क्यामेराको भिडियोमा बिहान ९ बजेर १३ मिनेट ३० सेकेण्डमा धनबहादुर शाही छोरालाई लिएर इमरजेन्सीमा गएको देखिन्छ। त्यो सिसी टिभीको अडियो नसुनिने भए पनि संकेतले उपचार गर्न अनुरोध गरिएको स्पष्ट छ। भिडियोमा हेर्दा डाक्टर करणले उपचार गर्न इन्कार गरेको संकेत पनि सहज बुज्न सकिन्छ।
बच्चाको उपचारको विषयमा इन्कार भएपछि कर्मचारी धनबहादुर इमरजेन्सी कक्षको डेस्कबाट बाहिरिएको देखिन्छ । धनबहादुर बाहिरिएपछि सेतो एप्रोन लगाएकी एक नर्सले उपचार गर्न अनुरोध गरेको र डाक्टर करणले नर्सलाई कैंची निकालेर तपाईं उपचार गर्नुहोस भन्दै जिस्काएको दृश्य जस्तो पनि देखिन्छ। त्यो कैंची मेडिकल कैंची नभै सामान्य कैँची जस्तो देखिन्छ ।
तत्काल कालो ज्याकेट र सेतो मास्क लगाएका अर्का एक व्यक्तिसँग धनबहादुर ६ वर्षीय छोरासहित फेरि इमरजेन्सीमा आएको देखिन्छ। मास्क लगाएका व्यक्तिले पनि उपचार गर्न अनुरोध गरेको देखिन्छ। धनबहादुरले पनि अनुरोध गरेका छन्। सो कुरा भइरहँदा बच्चा भने टुलुटुलु हेरिरहेको देखिन्छ। यसपछि आक्रोशमा आएर धनबहादुर शाहीले डाक्टर करणलाई हातपात गरेको देखिन्छ । के डाक्टर कुट्नु कानुनी हिसाबले ठिक थियो त ? जो कोहिलाइ पनि हातपात गर्नु कानुनी हिसाबले गलत हो ? तर सेवा दिन बसेको ब्यक्तिले अथवा झन बिरामीको सेवा गर्न बसेको डाक्टरले बिरामिको सेवा दिन अस्वीकार गर्नु मानबिय धर्म होत ? कर्णाली प्रदेशको एक मात्र शिक्षण अस्पतालमा यो एउटा उदाहरण मात्र हो डाक्टरको सन्काहपनको घटना त्याहाबाट डाक्टरका कारण उपचार नपाएका सेवाग्राही अहिले यो घटना घटनुमा डाक्टर को लापरबाही र सेवा नदिनु हो भन्छन ।
टंकराज न्यौपाने फेसबुकमा लेख्छन हात हाल्नु सबै ठाउँमा अपराध हुदैन बरु कुनै ठाउँ हात नहालेकै कारण अपराध मौलाउछ, कुनै न कुनै व्यक्ति ले हात हाल्नै पर्ने ठाउ हो कणाली स्वास्थ्य विज्ञान प्रतिस्ठान कणालीका जनताको रगत र पसिना खाएर मोज गर्ने, विरामिको स्वास्थ मा खेलवाड गर्ने लाई लखेटनु पर्छ धन वहादुर शाहि को साथमा कणाली वासि एक जुट हुनैपर्छ । कणाली स्वास्थ्य विज्ञान प्रतिस्ठानको ज्यादती बारे जनस्तरमा बिरोध सुरु भैरहेको छ । 
शाहिलाइ प्रतिष्ठानले ४५ दिन निलम्बन गरिसकेको छ। शाही हाल हिरासतमा छन्।
आफ्नै सहकर्मीको छोरा उपचारका लागि हारगुहार गर्नुपर्ने आवस्था आउने प्रतिष्ठानमा सर्वसाधारणलाई दिइने प्रतिष्ठानको सेवा कस्तो होला भन्ने विषयमा स्थानीयले प्रश्न गर्न थालेका छन्। एक डाक्टरले बच्चालाई उपचार नगर्नु पनि अन्याय होला नि ।
महेन्द्र हमाल भन्छन्
कर्णाली स्वास्थ्य विज्ञान प्रतिष्ठान मा डाक्टर के कारणले पिटिए ?किन पिटिए ?त्यसकाे खाेजतलास नगरी एकतर्फी वकालत गर्नु कहाँकाे न्याय हाे ?६ वर्षको अबाेध बालकले उपचार नपाउनु के बाल अधिकार हनन भएको हाेईन डाक्टर पिटिनु मात्र अपराध हाे र ? डाक्टर काे स्वभाव कस्तो थियाे भन्ने कुरा सेवा लिन आउने सेवाग्राहीहरू संग बुझ्दा पनि थाहा पाउन सकिन्छ ।एउटा प्रतिष्ठानकाे कर्मचारीकाे परिवारकाे उपचार गर्न लाई त आन्दोलन गर्नुपर्ने प्रतिष्ठानमा दुर दराज का हुम्ला,डाेल्पा ,मुगुका बिरामी ले कसरी राम्रो उपचार पाउँछन् ? साेचनिय विषय बनेकाे छ प्रतिष्ठानमा ?खै प्रतिष्ठान काे भिसि,रजिस्ट्रार ले याे विषयमा चासाे लिएकाे ? कि तपाईहरूलाई यसमै राजनीति गर्न मन छ कुराे गम्भीर छ कर्णाली काे जनताको स्वास्थ्यमाथि खेलबाड गर्ने तपाईहरूलाई कुनै अधिकार छैन हेक्का रहाेस ।
यस सम्बन्धमा कर्मचारी धन बहादुर शाहीका दाइ बिष्णु शाही भन्नुहुन्छ ।
याे सबै अनुसन्धानबाट देखिएला कि हरेक अनुनय बिनय गरि उपचार गर्न अनुराेध गर्दा पनि उपचार नपाएकाे अवस्था त हाे नै त्यसमा पनि डाक्टरकाे अमानवीय व्यवहार, हेपाहा प्रबृत्ति र अभद्र व्यवहार यस घटनाका मूख्य कारण हुन् । माैलिक हककाे अवज्ञा समेत डाक्टरबाट भएकाे छ । त्याे बेला बैकल्पिक व्यवस्था भएकाे भए पनि हुन्थ्याे तर सम्भव भएन । उपचार भईहाल्ला कि भनेर अरू कर्मचारी मार्फत भनसुन गर्दा समेत उपचार सम्भव भएन । डाक्टरले त्याे समयमा एकैजना बिरामी साे कक्षमा उपचारकाे क्रममा नभए पनि उपचार गर्न ईन्कार गर्नु, गालिगलाैच र असह्य शब्द प्रयाेग गर्दा सह्य नहुनु मानवीय स्वभाव हाे । प्रतिष्ठानका सबै डाक्टरसँग बयान लिदा पनि थाहा हाेला कि पिडित भनिएका डाक्टरकाे बानी व्यवहार सहि थियो या थिएन । डाक्टरहरूकाे संगठनकाे दबाब छ भन्दैमा म्याद थप्दै हिरासत अवधि बढाउनु खेदजनक छ । सत्यतथ्य कुरा पछि सबैले थाहा पाउने नै छन् । १०/११ वर्ष स्थायी काम गरेकाे कर्मचारीले यस्ताे घटना गर्न सक्ने अवस्था हुदैन र हालसम्म छैन पनि । पिडित भनिएका डाक्टरसङ सम्पर्क गर्न खोज्दा उहाको टेलीफोन सम्पर्क हुन सकेन ।
