काठमाडौँ :- स्थानीय बजारमा आज सुनचाँदीको मूल्य घटेको छ। बुधबारको तुलनामा आज प्रतितोला सुन रु दुई हजार ९०० र चाँदी रु ५० ले सस्तो भएको हो।
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य रु दुई लाख ९२ हजार २०० कायम भएको छ भने चाँदीको मूल्य रु पाँच हजार ८७० तोकिएको छ।
यसअघि बुधबार छापावाल सुन प्रतितोला रु दुई लाख ९५ हजार १०० र चाँदी रु पाँच हजार ९२० मा कारोबार भएको थियो। मङ्गलबार सुन रु दुई लाख ८४ हजार ७०० र चाँदी रु पाँच हजार ८८० मा किनबेच भएको थियो।
त्यसैगरी, गत आइतबार सुन प्रतितोला रु दुई लाख ७८ हजार ८०० र चाँदी रु पाँच हजार ६२५ मा कारोबार भएको थियो भने सोमबार सुन रु दुई लाख ८२ हजार र चाँदी रु पाँच हजार ८१० मा किनबेच भएको थियो।
अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा एक औँस सुन चार हजार ६९५ अमेरिकी डलर र चाँदी ९५ अमेरिकी डलर मा कारोबार भइरहेको छ।
तपाईको प्रतिक्रिया
