काठमाडौँ :- प्रधानमन्त्री सुशीला कार्कीले स्वजागरणलाई सबै तहमा संस्थागत गरी दैनिक जीवनको अभिन्न हिस्सा बनाउन आवश्यक रहेको बताएकी छन् ।
बुधबार सिंहदरबारमा आयोजित ‘सुशासन र समृद्धिका लागि स्वजागरण’ कार्यक्रममा बोल्दै प्रधानमन्त्री कार्कीले स्वजागरण अभियानले नैतिकता, सदाचार र सेवाभावयुक्त जनशक्ति निर्माणमार्फत मुलुकमा सुशासन स्थापना गर्न महत्वपूर्ण भूमिका खेल्ने विश्वास व्यक्त गरिन् । स्वजागरणले सबैभन्दा पहिले व्यक्तिलाई व्यवस्थित, अनुशासित र सचेत बनाउने भएकाले यसको महत्त्व अत्यधिक रहेको उनले उल्लेख गरिन् ।
नेपालमा भएका विविध सामाजिक–राजनीतिक आन्दोलन र जेनजी पुस्ताले उठाउँदै आएको सदाचार तथा सुशासनको मागलाई ध्यानमा राख्दै अब स्वजागरणलाई सबै तहमा संस्थागत गर्नुपर्ने आवश्यकता रहेको प्रधानमन्त्री कार्कीले स्पष्ट पारिन् ।
तपाईको प्रतिक्रिया
सम्बन्धित खवर
