काठमाडौँ । गएराति शारदा नदीमा करेन्ट लगाई माछा मार्न गएका एक पुरुषको मृत्यु भएको छ ।
माछा मार्ने क्रममा ढुंगाबाट चिप्लिएर लडेका छत्रेश्वरी गाउँपालिका–७ का सन्तोष बिष्टको मृत्यु भएको हो । माछा मार्ने क्रममा ढुंगाबाट चिप्लिएर पानीमा डुबेका बिष्टको तत्काल उद्धार गरी जिल्ला अस्पताल सल्यान ल्याउँदै गर्दा बाटोमै मृत्यु भएको जिल्ला प्रहरी कार्यालय सल्यानका प्रहरी निरीक्षक रेशमबहादुर खत्रीले जानकारी दिए।
गएराति सन्तोषसहित पाँच जना शंखमूलस्थित शंखपार्क नजिकैको शारदा नदीमा माछा मार्न गएका थिए । बिष्टको मृत्युपछि उनका साथमा रहेका चार जनालाई इलाका प्रहरी कार्यालय लुहामले नियन्त्रणमा लिएर घटनाको अनुसन्धान पनि भइरहेको प्रहरीले जनाएको छ ।
तपाईको प्रतिक्रिया
सम्बन्धित खवर
