काठमाडौँ :- प्रधानमन्त्री सुशीला कार्कीले नेपाली परम्परा र संस्कृति संरक्षणको महत्त्वमा जोड दिँदै आफ्नो मौलिक परम्परा र वेशभूषालाई नछाड्नुपर्ने बताएका छन्।
आज भएको तमु ह्युल छोँज धीँ गुरुङ राष्ट्रिय परिषद्को एक प्रतिनिधिमण्डलसँगको भेटमा प्रधानमन्त्री कार्कीले यसका बारेमा धारणा राख्दै भन्नुभयो कि, संस्कृतिमा रहेका हानिकारक प्रथाहरू हटाउनु पर्ने भए पनि मौलिक परम्परा र वेशभूषा भने सधैं जोगाउनुपर्छ।
गुरुङ संस्कृतिअनुसारको परम्परागत वेशभूषामा उपस्थित परिषद्का प्रतिनिधिहरुको प्रशंसा गर्दै, प्रधानमन्त्रीले सरकारी कार्यालयमा हप्तामा एक दिन परम्परागत पोशाक लगाउने विचार पनि प्रस्तुत गरिन्।
प्रधानमन्त्री कार्कीले भने, “आजकल केही समाज आफ्नो पहिचानको खोजीमा छन् र आधुनिकताका नाममा आफ्नो मौलिकता हराउँदै गएको देखिन्छ। हामी नेपालीहरूसँग विविध संस्कृतिहरू र परम्पराहरू छन्, जसलाई जोगाउन आवश्यक छ। सरकारी कार्यालयमा हप्तामा एक वा दुई दिन यस्तो पोशाक लगाउने व्यवस्था बारे पनि सोच्नुपर्ने हो।”
कार्यक्रमको अवसरमा परिषद्का महासचिव राजु गुरुङले प्रधानमन्त्रीलाई आगामी पुस १५ गते तमु ल्होसारको विशेष कार्यक्रममा सहभागी हुन आमन्त्रण गरे।
तपाईको प्रतिक्रिया
सम्बन्धित खवर
