काठमाडौं :- प्रधानमन्त्री सुशीला कार्कीले भ्रष्टाचार, बेरोजगारी र विभेदजस्ता समस्याहरूको समाधान गर्न **राजनीतिक र प्रशासनिक सुधार** गर्ने प्रतिबद्धता व्यक्त गरेकी छन्। आज जारी भिडियो सन्देशमा उनले **गत भदौ २३ र २४ गतेको जेनजी आन्दोलनका पीडित परिवारलाई राहत र घाइतेको उपचारका लागि विशेष कार्यक्रम ल्याएको** जानकारी दिइन्। साथै, उनीहरूको कल्याणका लागि थप **संयन्त्र निर्माणको प्रक्रिया** जारी रहेको बताइन्।
प्रधानमन्त्री कार्कीले जेनजी युवाहरूको राजनीतिक आन्दोलनको भावनालाई सबैले आत्मसात् गर्न आवश्यक रहेको औँल्याइन्। उनले भनिन्, “हाम्रा युवाहरूको बलिदान पछाडि राजनीतिक र आर्थिक सुधारको तीव्र चाहना छ। देशमा न्याय र विधिको शासन सुनिश्चित गर्नुपर्छ। हामी भ्रष्टाचार र बेथिति उन्मूलन भएको देख्न चाहन्छौँ। युवापुस्ताले गरेको क्रान्तिलाई स्वीकार गर्नुपर्छ।”
सन्देशमा प्रधानमन्त्रीले विगतका सरकारले युवाको आवाज सुन्न नसकेको र माग सम्बोधन गर्न नसकेको स्वीकार्दै सबैले आफ्नो कमजोरी र गल्ती **विनम्रतापूर्वक स्वीकार्नुपर्ने** उल्लेख गरिन्। उनले युवाहरूको भावनाको सम्मान गर्दै पीडित परिवारको कल्याण र राहतका लागि नयाँ कदम चाल्ने आश्वासन दिइन्।
प्रधानमन्त्री कार्कीले आगामी निर्वाचनपछि पनि युवाहरूको माग सम्बोधनका लागि निरन्तर प्रयास हुने र जेनजी आन्दोलनले उठाएका मुद्दामा सबै **युवा सचेत हुन र राजनीतिक दलहरू आफूलाई सुधार गर्न** जरुरी रहेकोमा जोड दिइन्।
उनी भविष्यको नेपाल निर्माणमा युवालाई अर्थपूर्ण रूपमा सहभागी गराउने **नयाँ संयन्त्र स्थापना गर्ने प्रतिबद्धता** व्यक्त गर्दै सबैलाई संयम र हिंसाको चक्र रोक्न अपील गरिन्। उनले भनिन्, “दुःखद घटनालाई नयाँ नेपाल निर्माणको जग बनाउन आपसी सद्भाव र राष्ट्रिय एकता आवश्यक छ। वर्तमान र आगामी सरकारले युवाको सपना साकार पार्न ठोस कदम चाल्नेछ। हामी शहीदहरूको बलिदान खेर जान नदिन सबै मिलेर प्रयास गर्नेछौँ।”
तपाईको प्रतिक्रिया
सम्बन्धित खवर
