काभ्रे :- समाजबादी प्रेस सङ्गठन काभ्रेले बनेपामा आफ्नो मुखपत्र ‘संकल्प’ नामक पुस्तक लोकार्पण गरेको छ । समाजबादी प्रेस सङ्गठन काभ्रेले प्रकाशित गरेको ‘संकल्प’ नामक पुस्तक आज प्रमुख अतिथि समाजबादी प्रेस संगठनका अध्यक्ष सम्भु श्रेष्ठले लोकार्पण गरेका हुन् ।
लोकार्पण कार्यक्रममा बोल्दै श्रेष्ठले निकट भबिष्यमै पूर्व राष्ट्रपति विद्यादेवी भण्डारी सक्रिय राजनीतिमा आउने र नेकपा एमालेको अध्यक्ष हुने उनले बताए । त्यसपछी नेकपा एससहित कम्युनिस्टहरु र नेकपा एमाले एकता हुने उनको भनाइ थियो । काभ्रे समाजबादी प्रेस संगठनले आफ्नो मुखपत्र निकालेकोमा शुभकामना तथा आगामी दिनमा पनि यस्ता श्रीजनाशिलाताका कामहरुको अपेक्षा गरेको बताए ।
शुभकामना मन्तब्यका क्रममा बोल्दै समाजबादी पाटीका पोलिटब्युरो सदस्य काभ्रे जिल्ला इन्चार्ज एबम मण्डन देउपुर नगरपालिका का मेयर टोकबहादुर वाइबाले आफ्नै पाटीको भातृ संगठन समाजबादी प्रेस सङ्गठनको पुस्तक लोकार्पण कार्यक्रममा पत्रकारहरु राज्यको चौथो अंग नभएको बताएका छन् ।आज बनेपामा समाजबादी पाटि कार्यालयमा भएको पुस्तक लोकार्पण कार्यक्रममा इन्चार्ज वाइबाले उक्त कुरा बताएका हुन् ।पत्रकार चौथो अंग नभएर आफै हामि चौथो अंग हौ भनेर दाबि गर्दै हिडेको आफुलाई मन नपरेको समेत वाइबाले भने चौथो अंग भनेर अहिले सम्म कुनै कानुनी वा संबैधानिक रुपमा नभएकोले पत्रकारलाई चौथो अंग भनिरहन आवश्यक नभएको उनको भनाइ थियो । पत्रकारले निष्पक्ष रुपमा समाचार सम्प्रेषण नगरेको भन्दै सबै पत्रकार पाटिसंग आबद्द भएर समाचार सम्प्रेषण गरेको समेत उनको आरोप थियो ।
अर्का पोलिटव्युरो सदस्य तथा बागमती प्रदेशका पूर्वमन्त्री लक्ष्मण लम्सालले स्वतन्त्र पत्रकारितामा यो समाजवादी संकल्प एक उदाहरणीय बन्ने धारणा राखे । पछिल्लो समयमा सुचना तथा समाचारहरु नकारात्मक कुराको बढी प्रचार हुने र सकारात्मक कुरालाई ओझेलमा पार्ने काम भएको उनले बताए । त्यसलाई स्वतन्त्र पत्रकारले चिर्नुपर्ने उनको भनाइ छ । तेस्तै पार्टीका काभ्रेपलाञ्चोक अध्यक्ष बसुन्धरा हुमागाइले संकल्प प्रकाशन गरेर सकारात्मक कामको थालनी समाजवादी प्रेस संगठनले गरेको बताए ।
उक्त विमोचन कार्यक्रममा नेपाल पत्रकार महासंघ काभ्रेका कार्यवाहक अध्यक्ष कपिल कोइराला, प्रेस युनियन काभ्रेका अध्यक्ष नगेन्द्र अधिकारी, प्रेस चौतारी काभ्रेका अध्यक्ष केदार तिमल्सिना र प्रेस सेन्टर नेपाल काभ्रेका अध्यक्ष रामप्रसाद ढकालले संकल्प प्रकाशनले पत्रकारका लेखन शैलीमा समेत सहयोग पुग्ने र यस्ता खालका मुखपत्र सबै संगठनले निकाल्न पर्नेमा जोड दिदै निरन्तरताको शुभकामना व्यक्त गरेका थिए ।
उक्त कार्यक्रमको अध्यक्षता समाजबादी प्रेस सङ्गठन काभ्रेका अध्यक्ष दिनेश खरेलले गरेका थिए भने कार्यक्रम संचालन केन्द्रीय उपाध्यक्ष धुर्ब रायमाझीले गरेका थिए ।
तपाईको प्रतिक्रिया
सम्बन्धित खवर
