काठमाडौँ :- मकवानपुरको भीमफेदी गाउँपालिका–८ बैदमारस्थित भित्री सडकमा गएराति पिकअप जीप दुर्घटना हुँदा एक इन्जिनियर र चालकको मृत्यु भएको छ।
काठमाडौँको दक्षिणकालीबाट मकवानपुरस्थित माणडु हाइड्रोपावर हुँदै इपातर्फ जाँदै गरेको पिकअप जीप अनियन्त्रित भई सडकबाट करिब १०० फिट तल खसेको प्रहरीले जनाएको छ।
दुर्घटनामा बाराको पचरौता नगरपालिका–७ निवासी इन्जिनियर सूर्य यादव र सिन्धुलीको कमलामाई नगरपालिका–९ निवासी चालक बोधराज बुढाथोकीको ज्यान गएको जिल्ला प्रहरी कार्यालय मकवानपुरका प्रवक्ता तथा प्रहरी नायब उपरीक्षक माधवप्रसाद काफ्लेले जानकारी दिए।
दुर्घटनाको जानकारी प्राप्त हुनासाथ निजगढ–काठमाडौँ द्रुतमार्गको बेस क्याम्पमा खटिएको नेपाली सेना र नेपाल प्रहरीको संयुक्त टोली घटनास्थल पुगेको थियो। घाइते दुवै जनालाई उद्धार गरी उपचारका लागि हेटौँडा अस्पताल लगिए पनि चिकित्सकले मृत घोषणा गरेका थिए।
तपाईको प्रतिक्रिया
सम्बन्धित खवर
