काठमाडौँ :- फिलिपिन्सको मध्य भागमा पर्ने समर टापु सोमबार शक्तिशाली भूकम्पले हल्लिँदा स्थानीय बासिन्दामा त्रास फैलिएको छ।
अमेरिकी भूगर्भीय सर्वेक्षणका अनुसार दिउँसो गएको भूकम्पको तीव्रता ६.० म्याग्निच्युड मापन गरिएको हो। भूकम्प समर प्रान्तअन्तर्गत पर्ने तटीय सहर सान जुलियनबाट करिब ९ किलोमिटर टाढा ७३.३ किलोमिटर गहिराइमा केन्द्रित रहेको जनाइएको छ। गहिराइ बढी भएकाले ठूलो विनाश हुनबाट जोगिएको अनुमान गरिएको छ।
स्थानीय एक प्रहरी अधिकारीका अनुसार भूकम्प ‘अचानक र निकै शक्तिशाली’ महसुस गरिएको थियो। प्रहरी कार्यालयमै छतसँग जोडिएको एक बीम भाँचिएको र केही फर्निचरहरू हल्लिएको उनले बताए। सम्भावित परकम्पको जोखिमका कारण प्रहरीसहित अन्य कर्मचारीहरू बाहिर बसेर सतर्कता अपनाइरहेका छन्।
हालसम्म मानवीय क्षति वा गम्भीर चोटपटकबारे कुनै आधिकारिक विवरण प्राप्त भएको छैन। तर भूकम्पका झट्काले स्थानीय स्तरमा डर र असुरक्षाको वातावरण भने सिर्जना गरेको छ।
तपाईको प्रतिक्रिया
सम्बन्धित खवर
