काठमाडौँ :- सिरहामा घरको पर्खाल भत्किँदा एक महिलाको ज्यान गएको छ।
जिल्ला प्रहरी कार्यालय सिरहाका अनुसार शनिबार साँझ आएको तीव्र हावाहुरीका कारण सखुवानन्कारकट्टी गाउँपालिका–२ मकरामपुर निवासी ६० वर्षीया किसुनवती यादव को मृत्यु भएको हो।
स्थानीय विन्देश्वर यादवकी श्रीमती किसुनवती घरमै बसिरहेको बेला आएको हावाहुरीले घरको जस्तापाता उडाएको थियो। त्यसपछि पर्खाल भत्किँदा इँटाले टाउकोमा लागेर उनी गम्भीर घाइते भएकी थिइन्। चोटका कारण उनको घटनास्थलमै मृत्यु भएको प्रहरीले जनाएको छ।
प्रहरीले घटनाको मुचुल्का उठाएर शव परीक्षणका लागि पठाएको छ। यसैबीच, गए राति मधेस प्रदेशका विभिन्न जिल्लामा आएको हावाहुरीका कारण जनजीवन प्रभावित बनेको छ भने अन्य क्षतिको विवरण संकलन भइरहेको प्रहरीले जनाएको छ।
तपाईको प्रतिक्रिया
सम्बन्धित खवर
