मकवानपुर :- मकवानपुरको बकैया गाउँपालिका-७ अँधेरीमा आज दिउँसो ट्याक्टर दुर्घटना हुँदा तीन जनाको मृत्यु भएको छ भने १९ जना घाइते भएका छन्।
लु५त १४७ नम्बरको ट्याक्टर दुर्घटनामा बकैया गाउँपालिका-७ का ५५ वर्षीय केशव माझी, ५५ वर्षीय युवराज माझी र ४५ वर्षीय शन्तलाल माझीको मृत्यु भएको जिल्ला प्रहरी कार्यालय मकवानपुरका प्रवक्ता, प्रहरी नायब उपरीक्षक पुष्कर बोगटीले जानकारी दिए।
दुर्घटनामा घाइते भएका २२ जनामध्ये तीन जनाको हेटौँडास्थित अस्पतालमा उपचारका क्रममा मृत्यु भएको प्रवक्ता बोगटीले बताए। घाइतेमध्ये केहीको हेटौँडा अस्पतालमा र केहीको चुरे हिल अस्पतालमा उपचार भइरहेको छ। दुर्घटनाको कारण खुल्न बाँकी रहेको र थप अनुसन्धान भइरहेको प्रहरीले जानकारी दिएको छ।
तपाईको प्रतिक्रिया
