काठमाडौँ :- नारायणगढ बुटवल सडक खण्ड अन्तर्गत दाउन्नेमा सडक अवरुद्ध हुँदा करिव ८ किलोमिटर परसम्म सवारीको जाम लागेको छ । सडक हिलो र चिप्लो हुँदा गत शुक्रवारदेखि यस यात्रा अनियमित हुँदै आएको छ ।
पानी परेसँगै बाटो हिलो र चिप्लो हुँदा दाउन्नेको उकालोमा सवारी साधन उक्लिन नसक्दा लामो जाम लागेको हो । पूर्वी नवलपरासीको विनयी त्रिवेणी गाउँपालिका–२ दाउन्ने खण्ड सहज नहुँदा यात्रुहरूले निकै सास्ती खेप्नु परेको छ ।
साधुरो बाटोमा सवारी साधन विग्रिएर रोकिदा र बाटो चिप्लो हुँदा आवागमनमा असहज भएको जिल्ला प्रहरी कार्यालय पूर्वी नवलपरासीले जनाएको छ । अहिले दुवै तर्फ सवारी साधनको चाप रहेको र बाटो एकतर्फी मात्रै संचालन भैरहेको छ ।
जिल्ला ट्राफिक प्रहरी कार्यालयका वरिष्ठ नायव निरीक्षक विनोद जोशीका अनुसार अहिले दाउन्नेको बाउन्न देखि चौसठ्ठी मोठ सम्म करिब ८ किलोमिटर सवारी साधनको जाम लागेको छ ।
तपाईको प्रतिक्रिया
