काठमाडौँ :- एनसेलले ग्राहकहरुका लागि ‘सधैँ अन करोडपति’ योजना ल्याएको छ ।
यो योजनाअन्तर्गत ग्राहकहरुले १ करोड रुपैयाँको बम्पर नगद पुरस्कार जित्ने सुनौलो मौका पाउनेछन् ।
१२ हप्तासम्म चल्ने ‘सधैँ अन करोडपति’ योजना हिजोदेखि सञ्चालन भएको हो । यो योजनाअन्तर्गत हरेक हप्ता १० जना ग्राहकले जनही १ लाख रुपैयाँ नगर पुरस्कार जित्नेछन् ।
साप्ताहिक नगद पुरस्कार १२ हप्तासम्म रहने एनसेलले जनाएको छ । यो योजनामा सहभागी हुने हरेक ग्राहकले डेटा, भ्वाइस वा डिजिटल सेवालगायत विभिन्न सेवा बोनसस्वरुप प्राप्त गर्नेछन्, जसले गर्दा यो योजना सबैका लागि हात खाली नजाने योजना बनेको छ ।
यो योजनामा सहभागी हुन ग्राहकहरूले कम्तीमा ९९ रुपैयाँ वा त्योेभन्दा माथिको कुनै पनि एनसेल सेवा जस्तै नयाँ सिम, डेटा प्याक, भ्वाइस प्याक, एसएमएस प्याक, रोमिङ प्याक वा कम्बो प्याक लिनुपर्छ ।
ग्राहकहरूले ८१२३३ डायल गरी, नजिकको आधिकारिक खुद्रा विक्रेता वा एनसेल सेन्टरमा गई, अथवा एनसेल एप, एनसेल वेबसाइटमार्फत एनसेल सेवाहरु लिन सक्ने एनसेलले जनाएको छ ।
हरेक ९९ रुपैयाँ बराबरको सेवा खरिद गर्दा ग्राहकले योजनाको १ वटा टिकट प्राप्त गर्नेछन् । यदि ग्राहकहरुले ४९९ रुपैयाँ बराबरको सेवा खरिद गर्छन् भने, उनीहरूले ५ वटा टिकट प्राप्त गर्नेछन् ।
एनसेल एपमार्फत ८९९९९३ डायल गरेर, वा चालू हप्ताका लागि १ र सम्पूर्ण योजना अवधिका लागि २ टाइप गरी ९९९९ मा एसएमएस पठाएर आफूले पाएका टिकटहरू हेर्न सक्ने व्यवस्था गरिएको एनसेलले जनाएको छ ।
यस योजना अवधिभर हरेक आइतवार साँझ ६ः३० बजेदेखि ७ः०० बजेको समयमा एनसेल युट्युव च्यानल, एनसेल एप र कान्तिपुर टिभीमार्फत प्रसारण हुने कार्यक्रममार्फत नगद पुरस्कार विजेताहरू घोषणा गरिनेछन् ।
तपाईको प्रतिक्रिया
सम्बन्धित खवर
