काठमाडौँ । सप्तरीमा हात्तीको आक्रमणमा परी एक किसानको मृत्यु भएको छ ।
प्रहरीका अनुसार आज बिहान जङ्गली हात्तीको आक्रमणमा कञ्चनरूप नगरपालिका–१२ धरमपुर टोलका ६६ वर्षीय दशरथ भनिने केदारबहादुर विष्टको मृत्यु भएको हो ।
घरदेखि पाँच सय मिटर पश्चिममा रहेको मकैबारीमा विष्टलाई हात्तीले आक्रमण गरेको थियो । हात्तीको दाह्रा उनको शरीरमा गाडिएको बताइएको छ । बँदेललगायत जनावरबाट मकै जोगाउन विष्ट राति एक्लै खेतमा जाने र कहिलेकाही खेतमा बनाएको टौवा (छाप्रो) मा नै सुत्ने गरेकामा आज हात्तीको आक्रमणमा परी मृत्यु भएको हो ।
तपाईको प्रतिक्रिया
सम्बन्धित खवर
