काभ्रेपलान्चोक :-(भुम्लु) काभ्रेपलाञ्चोकको भुम्लु गाउँपालिकामा करार सेवामा कार्यरत सवारी चालक निराजन उप्रेतीलाई सेवाबाट बर्खास्त गर्ने निर्णयपछि पालिकाभित्र राजनीतिक विवाद चुलिएको छ।
गाउँपालिकाको कार्यपालिका बैठकले असोज ८ गतेको निर्णय भन्दै तत्काल नहटाउन गरेको अध्यक्षको मौखिक निर्देशनलाई लत्याउदै प्रमुख प्रशासकीय अधिकृत कृष्णबहादुर खत्रीले असोज १२ गते एक पत्र जारी गरी उप्रेतीलाई उक्त दिनदेखि लागू हुनेगरि सेवाबाट हटाएका थिए ।
पालिका अध्यक्ष प्रेमबहादुर भुजेलले नहटाउन मौखिक निर्देशन दिएका भएता पनि कार्यपालिका बैठकको बहुमतको निर्णयमा उक्त निर्णय पारित गरिएको पालिकास्रोतले जनाएको छ। उक्त पालिकामा एमाले र काङ्ग्रेस गठबन्धनको बहुमत छ।
वडाध्यक्षको कडा असन्तुष्टि : “बहुमतको दम्भले जनताको आवाज दबिँदैन”
भुम्लु गाउँपालिका–१ सापिङका वडा अध्यक्ष लेखनाथ श्रेष्ठले उक्त निर्णयप्रति तीव्र असन्तुष्टि जनाउँदै राजीनामा समेतको चेतावनी दिएका छन्।
उनले कार्यपालिकाको पछिल्लो निर्णयलाई अन्यायपूर्ण र राजनीतिक पूर्वाग्रहयुक्त भन्दै सच्याउन माग गरेका छन्।
श्रेष्ठले भनेका छन् – “गाउँपालिकामा एमाले र काँग्रेसका जनप्रतिनिधिहरूले बहुमतको दम्भ देखाएर निर्णय लिएका छन्। भोलिको कार्यपालिका बैठकमा निर्णय सच्याइएन भने, म सापिङका जनताको सल्लाहमा वडा अध्यक्ष पदबाट राजीनामा दिँदै प्रतिकारमा उत्रिनेछु।”उनले फेसबुकमा स्टाटस लेख्दै भनेका छन ।
उनका अनुसार, सवारी चालक उप्रेतीलाई हटाउने निर्णय निष्पक्ष नभई राजनीतिक मनोवृत्तिका कारण गरिएको हो।
श्रेष्ठले थप भनेका छन् —“जेने-जी पुस्ताको आन्दोलनबाट देशमा खर्बौँको क्षति भइ सामन्ती निरङ्कुशता ढलेको अवस्थामा, त्यही आन्दोलनमा सहभागिता जनायो भनेर कुनै कर्मचारीलाई सजाय दिनु गलत हो।” “देशका पुरै प्रशासन खरानी भएको बेलामा एउटा सवारी चालकलाइ बर्खास्ती गरि बहादुरीता देखाउनु भनेको बहुमतको घमण्ड र राजनीतिक प्रतिशोध बाहेक अरु हुन सक्दैन”
पालिकाका अध्यक्ष प्रेमबहादुर भुजेलले पनि पटक पटक सवारी चालकलाई नहटाउन मौखिक निर्देशन दिएका थिए।
तर, कार्यपालिका बैठकमा एमाले र नेपाली कांग्रेसका जनप्रतिनिधिहरूको बहुमतले निर्णय पारित गरेपछि प्रमुख प्रशासकीय अधिकृत खड्काले पत्र जारी गरेका हुन्।
२०८२ साल भदौ २४ गते भएको आन्दोलनमा संलग्नता रहेको आरोपमा सवारी चालक उप्रेतीलाई अनुशासन विपरीत कार्य गरेको भन्दै बर्खास्त गरिएको थियो । तर, स्थानीय जनप्रतिनिधिहरूबीच उक्त विषयमा मतभेद बढेको छ।
कसैले यो निर्णयलाई अनुशासन कायम गर्ने कदम भनेका छन् भने अन्यले यसलाई राजनीतिक प्रतिशोधको रूपमा लिएका छन्। देशका पुरै प्रशासन यतिबेला खरानी भएका छन सबै जनता आन्दोलनमा थिए देशकै ठुलो प्रशासन सिहदरबार त खरानी भयो अब कस्लाइ समात्छ त त्यहा? स्थानियको प्रश्न छ?
दशैंको मुखमा गरिएको बर्खास्त निर्णयले भुम्लु गाउँपालिकाभित्र चर्को प्रतिक्रिया उत्पन्न गरेको छ।
कसैले निर्णयलाई उचित भनेका छन् भने धेरैले वडाध्यक्ष श्रेष्ठको समर्थनमा सामाजिक सञ्जाल र स्थानीय छलफलमा आवाज उठाइरहेका छन्।
श्रेष्ठले निर्णय सच्याउन कार्यपालिकालाई आग्रह गर्दै, “जनताको म्यान्डेट र न्यायको सम्मान गर्न सबै जिम्मेवार बन्नुपर्छ,” भनेका छन्।
तपाईको प्रतिक्रिया
सम्बन्धित खवर
